噚日買咗隻雞嚟整燒雞，
剪咗D雞腳、雞頸和雞脊骨，
用嚟煲湯就最啱喇!
節瓜眉豆花生鱆魚煲豬腱，
老公話雞好食，
湯好飲，
正呀喂!
材料: 節瓜2個、鱆魚半隻、雞腳雞頸和雞脊骨、眉豆花生適量、
豬腱$45、紅棗10粒(去核)、瑤柱仔適量
做法: 雞腳雞頸雞脊骨和豬腱放入鑊內加水煮滾出水5分鐘後，
取出豬腱和雞腳沖洗乾淨後，雞腳剪甲備用；鱆魚沖洗後剪片備用；
眉豆花生浸一陣；節瓜去皮切件；
燒熱10碗水加入所有材料(除節瓜外)煲1.5小時後(中小火)，
再放節瓜煲多30分鐘，最後按個人口味落鹽調味便成。
大家可以入嚟Facebook讚下我新開嘅Fans專頁呀!
又有靚湯飲
回覆刪除