今次買呢兩節蓮藕，
一節起絲，
一節爽脆，
真係好難得架!
呢個餸豆腐卜最好食，
因為索哂D南乳汁，
送飯一流呀!
材料: 蓮藕2節、腩排$50、豆腐卜$10、薑4片、紹酒1湯匙
醃料: 豉油1湯匙、鹽1茶匙、糖1茶匙、生粉1茶匙
調味: 南乳半磚(大)、蠔油1湯匙、冰糖適量
做法: 腩排洗淨後，落醃料醃30分鐘；蓮藕去皮切粒；
豆腐卜沖水後揸乾水份備用；南乳用少許紹酒搓勻；
燒熱油鑊，落薑片和腩排略煎兩面，加入南乳爆香快炒數十下，
落蓮藕、冰糖和熱水3~4碗，用大火煮滾後，
再轉中細火炆40分鐘，落埋豆腐卜炆多10分鐘，
最後加少許老抽調色和生粉水埋芡汁便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!