今日上午掛1號風球時，
天朗氣清，
仲熱到35度添呀!
但當中午掛3號風球後，
香港天氣突然變差，
大風又大雨，
好彩壞天氣好快又過咗，
希望個風破壞力唔好咁大啦!
豬肉檔話明天休息，
所以買定舊梅頭豬肉做存貨，
切咗D肥肥哋嘅豬肉嚟蒸粉絲蝦醬，
好惹味架!
材料: 梅頭豬肉(半肥瘦)、粉絲適量、薑絲、蒜蓉、蔥粒、
醃料:蝦醬1.5茶匙、糖1茶匙、生粉1茶匙、油少1許
做法: 梅頭豬肉洗淨後切薄片，加入醃料醃30分鐘；粉絲浸軟(可剪段)；
將粉絲放在蒸碟上，舖上蝦醬豬肉、薑絲和蒜蓉，
放入熱水鑊內用大火蒸12分鐘，最後灑上蔥粒便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!