2022年10月22日 星期六

蔥花雞蛋煎韭菜蝦仁豬肉餃子


今日屋企男丁們全部出哂街,

剩番我一個人食午餐,

攞埋冰箱果幾隻韭菜蝦仁豬肉煎嚟食,

加少少麻辣油、醋和蒸魚豉油點嚟食,

簡簡單單又一餐!



材料: 自製韭菜蝦仁豬肉餃子11隻、雞蛋1隻、蔥花、

炒香黑芝麻適量、鹽少許

做法: 雞蛋落少許鹽發勻備用;燒熱油鑊加入餃子用中火煎1分鐘,

加入大半碗水煮滾加鑊蓋煮至水差不多乾後(約7~8分鐘),

將雞蛋液淋在餃子四周圍,灑上蔥花和黑芝麻,

蓋上蓋焗至蛋液熟後便成。




大家可以入嚟Facebook讚下我新開嘅Fans專頁呀!

6 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!