韭菜蝦仁豬肉餃

大小魔怪都鐘意食我包嘅餃子，

今日我見冰箱仲有位放個餃子盒，

拿拿臨買材料包餃子啦喂!

今次包咗66隻韭菜蝦仁豬肉餃，

中午就煮咗14隻同小魔怪一齊食呀!

材料: 豬肉碎12兩(半肥瘦)、韭菜$5、蝦仁66隻、雞蛋1隻、蒜蓉適量、

水4湯匙、滾油適量、餃子皮1斤(薄)

調味: 豉油2湯匙、蠔油1湯匙、鹽1茶匙、糖1茶匙、生粉1茶匙、

麻油少許、胡椒粉適量

做法: 將豬肉碎放入大碗內，加入調味、雞蛋、水4湯匙，

攪至豬肉餡料起膠後，放入雪櫃雪1小時；韭菜洗淨去頭切碎備用；

蝦仁鮮凍後，落少許鹽、胡椒粉和麻油，醃30分鐘；

從雪櫃取出豬肉餡，加入蝦仁、韭菜和蒜蓉，贊滾油係蒜蓉和韭菜面後，

將所有餡料攪勻，就可以用嚟包餃子架啦!

~包好嘅餃子可以裝起放入冰箱內，咁就隨時都有得食啦!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page