菜遠滑蛋肉片飯

今日又係煮二人餐，

簡單整咗個碟頭飯~菜遠滑蛋肉片飯，

有菜有肉有雞蛋，

夠哂豐富啦!

材料: 梅頭豬肉$15、白菜仔適量、雞蛋1隻、蒜蓉、清雞湯1碗、生粉水

醃料: 豉油半湯匙、鹽少許、糖半茶匙、麻油少許、胡椒粉少許

做法: 梅頭豬肉洗淨切片，落醃料醃15分鐘；白菜仔洗淨備用；雞蛋略發勻；

燒熱油鍋落蒜蓉和肉片炒勻至8成熟，加菜和雞湯煮至肉熟後，

落生粉水煮至汁稠身後熄火，落埋雞蛋攪勻便成。

~唔煮肉片，可以用牛肉、雞片或滑豆腐代替都得架!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page