2018年5月16日 星期三

香煎牛扒

今日又係二人餐,

係超市買咗塊牛扒返屋企,

咪簡簡單單煎嚟食囉!

由於老公唔食好生嘅牛肉,

所以今次會煎熟少少呀!

小魔怪知道我哋今餐食牛扒,

好羡慕啊!

唔緊要啦!

返工做嘢緊要D,

下次再整俾你食啦!









材料: 肉眼牛扒、西蘭花、牛肉燒汁(如需要)

調味: 鹽少許、黑胡椒碎少許

做法: 將急凍牛扒預先從冰箱放落雪櫃8小時或以上,待解凍;

取出牛扒放室溫半小時,在牛扒其中一面落鹽和黑胡椒碎,

燒熱有紋煎pan,落油搽勻整個pan後,將調咗味嘅牛扒搽少少油,

放入有紋pan煎1分半鐘後,將牛扒轉一轉位置再煎半分鐘,

此時可以落少許鹽、黑胡椒碎和油係未調味嘅牛扒上,

用夾反轉牛扒煎1分半鐘,轉一轉位置再煎半分鐘;

將牛扒放入碟內靜待5分鐘,把已灼熟嘅西蘭花放碟旁便成。

~隨個人喜好,可落燒汁拌食;

~按個人喜好,可以自行調節煎牛扒時間,咁就可以食到自己喜歡嘅熟度啦!

 


大家可以入嚟Facebook讚下我新開嘅Fans專頁呀! 





6 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!