2019年4月29日 星期一

豉汁涼瓜煮鯇魚腩


老公正式放假嘅第一天,

唔使返工緊係會瞓到自然醒啦!

係屋企行行企企,

執下office帶返嚟嘅嘢,

咁就一個上午喇!

下午做咩???

佢去咗圖書館睇佢至愛嘅金庸小說,

開始過佢嘅中年亞伯嘅生活啦!

今日煮咗呢碟豉汁涼瓜煮鯇魚腩,

係老公至愛餸菜之一呀!








材料: 涼瓜1個、鯇魚腩$30、蒜蓉、豆豉粒半湯匙、生粉水、薑3片、水1.5碗

醃料: 鹽1茶匙、胡椒粉少許

調味: 蠔油1湯匙、豉油1湯匙、老抽半湯匙、鹽半茶匙、糖1.5茶匙

做法: 鯇魚腩洗淨去肚黑膜和血塊後,用廚紙索乾水份,落醃料醃1小時;


涼瓜去囊後切片,落少許鹽先醃涼瓜15分鐘後,

將涼瓜放入熱水灼1分鐘左右後撈起瀝乾水份;

燒熱油鑊落薑片煎香,落鯇魚腩
煎好一面後反轉魚再煎幾面後盛起;

(一定要熱鑊滾油,咁就唔黐底啦!)

燒熱油鑊落蒜蓉豆豉爆香,落涼瓜快炒,

加調味炆至涼瓜略軟身後,落鯇魚腩炆至涼瓜腍身後,

先將鯇魚腩放入碟內,然後加少許生粉水埋芡汁,將涼瓜淋在鯇魚腩面便成。





苦瓜的食療價值(網上資料)

~苦瓜氣味苦、無毒、性寒,入心、肝、脾、肺經;

~具有清熱祛暑、明目解毒、利尿涼血、解勞清心、益氣壯陽之功效;

~主治中暑、暑熱煩渴、暑癤、痱子過多、目赤腫痛、癰腫丹毒、燒燙傷、少尿等病症。

 


大家可以入嚟Facebook讚下我新開嘅Fans專頁呀! 


6 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!