2019帶亞媽去旅行~日本京阪神之旅(第四日)

3月29日(星期五)

酒店提供早餐雖然簡單，

但每款食物都好好食架!

尤其個煎雞塊，

煎得唔乾身外仲有肉汁包係裡面，

脆皮腸又夠哂彈牙，

日本雞蛋出哂名好食，

好香濃嘅雞蛋味道，

所以炒蛋和煎雞，

我係會添食架!

食飽飽後，

我哋就揸車落和歌山喇!

第一站係嚟呢度~黑潮市場。

黑潮市場附近有遊艇會，

亦有水果村(賣農產品)和遊樂場架!

嚟呢度唔只有好多檔口賣魚生、壽司、海鮮燒烤食品外，

主要嚟黑潮市場嘅原因係姐夫想睇佢哋現場開吞拿魚嘅過程呀!

仲有得即劏即買嚟食，

超新鮮架!

劏鮪魚(吞拿魚)時間表有11:00,12:30,15:00。

食埋個美味午餐後，

第二個景點係紀三井寺。

呢度入場費唔貴，

200yen約$14左右，

但母親大人見到條長長樓梯已經話唔想上去，

於是買咗幾個柑俾佢坐低慢慢食，

等我哋上去參觀呀!

咪睇好似好長樓梯呀!

其實每段都係得廿幾三十級，

每段路又有唔同景色，

櫻花盛放，

我哋都影咗唔少相架!

行到攰搵番母親大人，

齊齊噗杯咖啡或茶先再出發去和歌山城天守閣。

今次又係要行樓梯，

母親大人慢慢行，

終於行到終點啦!

我哋冇行上天守閣參觀，

只係附近行下影下相，

行到有D肚餓，

母親大人話想食雞蛋仔喎!

我覺得幾好食，

而母親大人就話香港雞蛋仔好食D呀!

參觀埋個小小動物園，

下一站就係姐姐至愛~Aeon Mall shopping time!

俾咗2個鐘姐姐姐夫shopping後，

我哋係呢度食埋個烤肉放題先返大阪呀!

2980yen(未連稅)食90分鐘，

牛肉有D失望，

雞扒好juice，

母親大人食嘅韓式石頭鍋飯，

佢話好食，

而我覺得最好食係個薯仔沙律呀!

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page