今日又嚟試部空氣炸鍋啦!
整咗呢碟台式鹽酥雞；
睇落去似模似樣架!
食落呢???
講真，
雖然食落緊係冇用油炸過咁脆口，
但脆口程度都有7~8成架!
而且我剩係焗前搽咗好少油係雞面，
等佢氣炸出嚟冇咁乾身，
就連平時唔係咁食炸嘢嘅老公，
都話呢部機都幾掂喎，
起碼唔使食咁多油落肚呀!
醃料: 豉油1湯匙、鹽半茶匙、糖1茶匙、五香粉1茶匙、
麻油少許、紹酒1茶匙
調味: 椒鹽適量、紅辣椒粉適量
做法: 雞扒解凍後用廚紙索乾水份後切件(一口size)；
落醃料、蒜蓉和薑蓉醃2小時左右；從雪櫃取出放室溫45分鐘；
盡量除去雞件上的蒜蓉和薑蓉，放入蛋漿內攪勻，
將雞件逐一沾上蕃薯粉後用手掐一掐緊雞件，等蕃薯粉和蛋液沾住雞件；
開200度3分鐘預熱空氣炸鍋後，逐一將雞件放入鍋內，搽少少油係雞面；
開200度炸10分鐘，反轉雞件後再炸10分鐘，最後灑上調味便成。
大家可以入嚟Facebook讚下我新開嘅Fans專頁呀!
唔食炸野？ 唔係我朋友，哈哈！
回覆刪除哈哈，佢食得健康過我呀!
刪除氣炸鍋好方便呢~!
回覆刪除簡單啱哂我呢D懶人又貪食炸嘢嘅人呀!
刪除