2019帶亞媽去旅行~日本京阪神之旅(第六、七日完結篇)

3月31日(星期日)

今日天氣好好，

陽光普照，

又去行公園啦喂~大阪天王寺公園。

好多人排隊入美術館

沿途一路睇櫻花，

一路慢行去通天閣，

食埋個鱆魚燒就離開了。

姐夫去行街睇模型，

母親大人、姐姐和我就行地下街。

行地下街最大收穫竟然係我，

買褸買衫買鞋又買袋，

超開心呀!

拿拿臨返酒店放低戰利品，

換件新褸去行黑門市場和食午餐喇!

順便補影番噚日係黑門市場D相先得。

呢餐食期待咗好耐嘅~蟹宴。

因為星期日驚多人，

所以姐夫早幾星期係香港已經book定位架啦!

影埋幾張心齋橋打咭相之後，

母親大人和我自己返酒店休息下，

而姐姐姐夫就繼續shopping，

到夜晚本來約咗一齊食飯，

姐姐姐夫想食燒肉，

而母親大人想食清淡嘢，

我唯有陪母親大人去食快餐啦!

而姐姐姐夫就去食燒肉。

 4月1日(星期一)

今朝一早唔夠6點就要開始出機場，

因為要搭10黠飛機返香港呀!

4個人攞5個喼，

加埋手拎行李，

都唔少嘢架!

寄完行李就去搵食，

姐姐超鐘意食呢間拉麵，

因為有超多菜，

啱哂佢口味；

拿，

唔好睇少呢碗拉麵，

佢超級大碗，

而且套餐又包餃子和飯糰，

跟本上係食唔哂，

除非好大食。

我哋搭國泰10點飛機返香港，

飛機餐有Haagen-Dazs雪糕食，

母親大人唔食俾埋我，

好滿足啊!

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page