2019帶亞媽去旅行~日本京阪神之旅(第三日)

3月28日(星期四)

今日行程超級緊密，

第一站嚟到嵐山；

每次嚟京都，

一定要嚟嵐山，

因為呢度四季景色都好唔同，

一個字~靚!

櫻花樹下，

可惜唔係靚仔推車囉!

母親大人見到咁多日本製手巾仔，

開心到爆，

買咗唔少送俾朋友呀!

我哋連早餐都未食就嚟咗嵐山，

等到11點先有舖頭開門，

拿拿臨食我哋嘅早午餐喇!

係嵐山附近繼續行街，

買麵包之餘仲食咗唔少小食添!

之後姐夫車我哋去京都銀閣寺行哲學之道；

每人食咗個廿幾蚊蛋撻或綠茶撻，

好好味道啊!

哲學之道兩旁如果開滿櫻花肯定好靚架!

但事實當日大部份都係開咗少少櫻花仔，

間中有一至兩棵櫻花開得比較靚咋!

慢行哲學之道，

學人領悟完人生大道理後，

我哋下一站就揸車落奈良，

去奈良公園睇鹿喇!

呢度嘅鹿一D都唔怕人，

見有人攞嘢食餵佢，

佢哋好乖咁跟住行，

都幾可愛架!

襯姐夫攰攰哋返車度瞓下時，

我哋就周圍影下相，

又落購物街行下。

離開奈良，

下站就係落大阪喇!

我哋嚟緊呢4日，

都係住Kamon Hotel Namba，

呢度行去黑門市場轉個彎就到，

好方便架!

雖然房間細細，

但好在床邊有叉電位和床頭燈，

母親大人瞓覺後，

我都可以開床頭燈繼續上網呀!

呢晚母親大人太攰唔想落街食晚餐，

我哋買咗大大兜關東煮(蘿蔔、豆腐、魚條)和壽司俾佢食，

佢竟然話超級好食，

其後果幾日餐餐都話想再食呀!

而我哋就揀咗食炸豬扒飯，

唔知係咪太夜食飯兼食炸嘢呢，

感覺好熱氣，

冇哂胃口呀!

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page