雀后~歡迎!歡迎蒞臨朱家天地!

唔想再食了無新意的家常菜？唔知外面的餐廳有無用地溝油？覺得下廚好難、好麻煩？定係，根本無時間下廚？無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯，雖然平凡，卻絕對是人間美味。平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗

2018年6月27日星期三

經典打斧頭餸~絲瓜雲耳炒洋蔥

絲瓜雲耳炒洋蔥，

簡單好味又經濟，

所以呢個肯定係一個經典打斧頭餸嚟架!

材料: 絲瓜1條、雲耳適量、洋蔥半個、甘筍片8片、蒜蓉、紹酒少許

做法: 絲瓜去硬皮，切去瓜囊後切件；雲耳浸軟去硬蒂；洋蔥切片；

燒熱水加少許糖，灼雲耳和絲瓜30秒左右撈起(千祈唔好灼太熟)；

燒熱油鑊落蒜蓉、洋蔥和甘筍快炒煮1分鐘左右，加絲瓜和雲耳後贊酒，

炒多一陣後按個人口味落鹽和糖調味便成。