2018快閃新加坡~第一日

6月8日星期五

今日總共有8位朋友，

齊齊飛去新加坡；

撞正香港掛起3號風球兼黃雨，

攪到飛機遲咗起飛外，

仲遇到幾次強烈氣流，

機身又震又搖，

聽到幾次其他乘客尖叫，

嚇到我個心都離一離呀!

老公講笑說我以後唔使玩過山車啦!

好彩離開香港範圍架飛機已經好定當啦!

到咗新加坡，

老公有2位同學嚟接機，

啱啱好2架車坐得哂，

先去酒店放低行李，

跟住就去食飯啦喂!

我哋去文東記食海南雞，

跟住過對面佳園飲肉骨茶。

老公同學帶我哋嚟到烏節路~ION ORCHORD，

因為呢度買滿20蚊坡紙，

就有1張上ION觀景台嘅門票，

所以第一站就嚟到呢度買嘢喇!

上到55樓，

會睇到有一段動畫~介紹新加坡歷史，

之後就會打開螢幕，

睇到新加坡全景，

都幾靚架!

跟住我哋就開車去~PLAZA SINGAPURA，

嚟呢度最最最主要嘅目的係買咸蛋黃魚皮呀!

好彩呢度唔係好多人排隊，

所以我哋好快買到喇!

團友們都幾瘋狂，

總共買咗40幾包呀!

之後行下呢個商場，

仲食咗碗芒果紅豆沙冰，

好味道架!

晚餐就會合多2位同學，

嚟呢度食叻沙麵呀!

食飽飽有部份人去食榴槤，

而其他人和我哋就返酒店，

今朝一早起身搭飛機，

所以一撻落床好快瞓著囉!

 

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page