自從天耀村冇咗個街市後，
我哋就要行去附近屋苑嘅街市買餸，
係大熱天時日日係咁行，
又拎住咁多餸返屋企，
真係由頭濕到落腳架!
好彩近日屋苑商場開咗個小型街市，
有雞、魚、菜、牛肉、豬肉和生果賣，
雖然全部都係得1檔，
但都好過冇，
依家新開貨品價錢都幾公道，
暫時都唔算好貴呀!
今日就係新街市買咗隻龍崗雞，
醃料; 鹽2茶匙、糖1茶匙、紹酒半湯匙
調味: 孜然粉、紅辣椒粉、花椒粉
做法: 洗淨雞後，用廚紙索乾水份，從雞背剪開一半(中間背骨剪掉)，
用手將雞胸位壓平，加入醃料和薑醃8小時；
從雪櫃取出雞放室溫1小時後，落調味醃雞兩面，
放入易潔鑊內用中火慢慢煎至兩面熟，
又或放入焗爐用200度焗30分鐘便成。
~第一次用雙面鍋煎全雞，每面煎咗15分鐘合其30分鐘，效果都唔錯喎!
不過火喉仲未摸熟，煎燶咗少少呀!
大家可以入嚟Facebook讚下我新開嘅Fans專頁呀!
我住灣仔，自從街市搬走，買餸都唔方便，要去百佳買。
回覆刪除天氣太熱我都唔會去街市買餸，求求其其去百佳買少少餸就算囉!
刪除雀后:
回覆刪除為什麼要把中間背骨剪掉?
隻雞好雞味嗎?
果舊骨太硬，剪咗咁隻雞兩面會平均d，煎起嚟會易D架!
刪除Thanks.
刪除我地個街市無冷氣，唔係好想行
回覆刪除舊式街市冇冷氣，但依家新開街市通常都有冷氣架!
刪除雀后，想問happycall好用嗎? 想去萬寧換返個，thanks
回覆刪除OK好用架，不過有少少問題係，佢pan後有個槽係裝倒汗水，但當反轉個pan時，倒汗水會漏出嚟係煮食爐旁呀!
刪除thank you
回覆刪除