紅燒肉

父親節先嚟食紅燒肉，

哈哈，

係咪過份咗少少呢???

小魔怪女朋友認真識做，

佢讚話呢個餸好有水準，

賣相和味道都一流，

嘻嘻，

抵錫啊!

 

材料: 五花腩肉1磅半、薑4片、蒜蓉、香葉2片、八角1粒、

蔥白適量、紹酒、炒香芝麻粒

調味: 豉油1湯匙、老抽3湯匙、冰糖1湯匙、1.5碗水

糖色: 冰糖1湯匙、油少許、熱水大半碗

做法: 凍鍋落水，加入薑片、紹酒1湯匙和五花肉出水5分鐘，

取出五花肉切件再放入鍋中出水5分鐘，沖水後將五花肉切粒；

凍鍋落少許油落1湯匙冰糖粒炒至糖溶和微滾或起泡(全程中小火)，

加入大半碗熱水煮成糖漿備用；

凍鍋落油加入薑片、蒜蓉、蔥白和八角炒香，

落五花肉快炒數十下後贊紹酒1湯匙，加調味和香菜煮滾後，

轉小火炆煮45分鐘；加埋糖色轉中火煮至汁濃，

上碟後灑上炒香芝麻粒便成。

~炒糖色要注意火候，太大火糖色會好易燶和有苦味架!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page