香菇三杯雞

前日煮咗個杏鮑菇三杯雞，

今日照辦煮碗整咗呢煲香菇三杯雞，

落咗九層塔零舍唔同，

三杯雞一出鍋已經全屋都香噴噴，

嘻嘻，

唔食得都聞得下呀!

材料: 雞扒1塊半、冬菇10隻、薑10片、乾蔥頭2個、蒜蓉、

九層塔、蔥後、辣椒仔2隻、紹酒1湯匙

調味: 豉油1湯匙、紹酒1湯匙、糖1湯匙

做法: 冬菇浸軟切半；乾蔥頭切片，凍鑊落油慢火炸香乾蔥頭至微黃上碟；

原鑊不需落油落雞扒(先煎雞皮)煎至焦香或8成熟後，切件上碟；

凍鍋落麻油慢慢煎香薑片，加入蒜蓉、炸香乾蔥絲和香菇爆香，

落埋雞件和調味快炒，加水2湯匙煮至收汁，落蔥段和九層塔炒勻，

蓋上鍋蓋後，沿鍋邊將紹酒1湯匙淋在鍋內，最後落埋辣椒仔係面便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page