蕃茄雞蛋煮肉碎

蕃茄蛋就食得多，

今次加埋肉碎落去一齊煮，

咁就冇咁齋啦!

專登煮多少少汁，

用嚟撈飯就最啱啦!

材料: 蕃茄3個、雞蛋3隻、豬肉碎$15

醃料: 豉油半湯匙、糖半茶匙、生粉少許、水1湯匙、麻油少許

做法: 豬肉碎用醃料醃15分鐘；雞蛋落少許鹽打發好備用；

蕃茄底部界十字，放入熱水煮2分鐘後熄火，取出將蕃茄去皮及切大粒；

燒熱易潔鑊落油，倒入蛋液快炒成滑蛋後上碟(約8成熟)；

原鑊落少許油加肉碎炒至半熟後，落蕃茄和1碗水煮5~8分鐘；

按個人口味加鹽和糖調味後，加埋雞蛋炒勻上碟。

(如汁多可加少少生粉水埋茨汁)

大家可以入嚟Facebook讚下我新開嘅Fans專頁呀!

雀后(添飯)Facebook Fan Page