2018年6月28日 星期四

蕃茄雞蛋煮肉碎


蕃茄蛋就食得多,

今次加埋肉碎落去一齊煮,

咁就冇咁齋啦!

專登煮多少少汁,

用嚟撈飯就最啱啦!





材料: 蕃茄3個、雞蛋3隻、豬肉碎$15

醃料: 豉油半湯匙、糖半茶匙、生粉少許、水1湯匙、麻油少許

法: 豬肉碎用醃料醃15分鐘;雞蛋落少許鹽打發好備用;

蕃茄底部界十字,放入熱水煮2分鐘後熄火,取出將蕃茄去皮及切大粒;

燒熱易潔鑊落油,倒入蛋液快炒成滑蛋後上碟(約8成熟);

原鑊落少許油加肉碎炒至半熟後,落蕃茄和1碗水煮5~8分鐘;

按個人口味加鹽和糖調味後,加埋雞蛋炒勻上碟。

(如汁多可加少少生粉水埋茨汁)




大家可以入嚟Facebook讚下我新開嘅Fans專頁呀!




12 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!