今日又係一年一度包糭嘅大日子，
我今朝3點就起身浸米浸豆洗葉，
攪完一輪都仲可以瞓多陣先開工；
今次總共包咗8隻紅豆花生綠豆素糭，
46隻客家咸肉糭，
終於任務完成，
但要等烚完所有糭，
我先可以抖抖呀!
蝦米半斤、豬腩肉2.5磅、乾蔥頭1包
醃料: 豉油2湯匙、五香粉一包、糖2茶匙、紹酒1湯匙、鹽1茶匙
做法: 豬腩肉去皮後切塊狀用醃料醃一陣；將整包乾蔥頭剁碎，
落油爆香乾蔥蓉後，加豬腩肉、蝦米、1茶匙鹽和大半碗水，
略煮豬腩肉至收汁盛起待涼，放入雪櫃雪1晚；
糯米和綠豆洗淨後起碼浸6個鐘，倒去多餘水份，
糯米和綠豆每邊都要加3湯匙鹽和2湯匙油撈勻；
然後烚糭葉和草、咸蛋黃開半；準備好哂所有材料，就可以包糭啦!
每轉糭烚1個半鐘左右就得啦!
大家可以入嚟Facebook讚下我新開嘅Fans專頁呀!
好大製作喎
回覆刪除由朝忙到下午，攰C我喇!
刪除勁！我覺得烚糉好花時間~~
回覆刪除最辛苦就係烚糭，要成日睇火外，又攪到成間屋都熱哂呀!
刪除加埋事前功夫，辛苦你了
回覆刪除今年真係老了，包完糭成個人散哂呀!@@"
刪除