6月9日星期六
一早起身係酒店食個簡單早餐，
準時9點鐘，
總共15人分3架車，
出發啦!
第一站，
老公同學帶我哋去亞坤食咖椰吐司和溫泉蛋。
一早已經食咗2餐，
緊係要去行下消化下啦!
我哋嚟咗Marina Barrage 濱海灣水霸。
老公好有心思，
篇印咗幾首中學時代課堂學過嘅英文歌，
大家圍住大合唱，
好似返番去中學時代上音樂堂嘅情況，
仲要加埋張11位同學齊齊跳起相，
嘩，
簡直回復青春啦!
之後就去咗Gardens by the Bay參觀啦!
行完呢兩個展館都已經成2點啦!
好肚餓，
去搵食啦喂!
各自買咗唔少美食，
大家分享嚟食!
食飽又要做遊客，
去牛車水行下街，
朋友飲薑拉茶話好正，
我仲飽緊所以冇試到呀!
Book咗7點半食蟹，
所以仲有時間去shopping，
有部份人行超市，
而老公佢哋就去咗海旁踏單車喇!
買咗個蛋糕慶祝部份同學"登六"，
開開心心切雪糕蛋糕。
題外話，
我哋真係好好彩，
咁啱撞到山寨版特朗普和金正恩嚟呢度食蟹，
超多人好熱鬧啊!
山寨版特朗普和金正恩，咁啱嘅，又幾似喎，係真人扮？
回覆刪除真係約都冇咁啱呀!
刪除哈~ 你好好彩兩個首腦都見到
回覆刪除好彩見到山寨版，正版嘅話望都望唔到呀!
刪除咁多同學仔一齊去遊埠，雀王真係念舊！
回覆刪除佢又真係幾興奮架!出發當日瞓唔著呀!
刪除今天行程很豐富。遇上峯會，保安係咪好緊張？
回覆刪除我哋又唔覺喎，可能我哋活動範圍唔同啦!
刪除幾十年的同學可以相約一齊出外玩，這種機會真係難能可貴。
回覆刪除係呀，所以老公今次旅行好開心，佢哋仲約埋下次去台灣玩呀!
刪除