2016年6月4日 星期六

椰菜炒粉絲


大魔怪好鐘意食粉絲,

無論係放湯、乾炒或煮齋菜都好,

次次都話唔夠佢食;

今次專登炒咗一大碟粉絲,

應該夠佢食啦掛???









材料: 椰菜半個、甘筍1條、木耳2朵、粉絲、舞菇1包、干炒豉油皇2湯匙

做法: 椰菜切絲;甘筍去皮切條、木耳浸軟後切絲:

粉絲用熱水浸軟備用(太長可以剪開一半);舞菇去蒂:

燒熱鑊不需落油,加舞菇快炒至出菇水或軟身後盛起;

原鑊落少許油,落椰菜、甘筍、木耳絲快炒,

加鹽調味後,落舞菇和粉絲炒至乾身後,

加入2湯匙干炒豉油皇炒勻後上碟。

~如果屋企冇干炒豉油皇,可以加老抽和糖調味調色呀!





大家可以入嚟Facebook讚下我新開嘅Fans專頁呀! 


12 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!