2016年6月25日 星期六

咖哩豬皮蘿蔔魚蛋


今日又有家庭聚會,

整咗呢個咖哩豬皮蘿蔔魚蛋做小食,

每次煮好後小魔怪和我都偷食唔少,

哈哈,

真係食極都唔厭架!









材料: 乾豬皮4兩、蘿蔔2斤、魚蛋1.5磅、蒜蓉、薑蓉、紹酒1湯匙

調味: 蠔油1.5湯匙、海鮮醬1湯匙、咖哩粉1湯匙、豉油1湯匙、

老抽1湯匙、雞粉1.5茶匙、冰糖1湯匙和水4碗

做法: 預先浸軟豬皮後,用薑蔥出水15分鐘熄火焗15-20分鐘瀝乾水份,

小心清去豬皮上沙粒和豬毛備用;蔔去皮切件;

燒熱鑊落油爆香蒜蓉和薑蓉,落豬皮快炒數十下贊酒,

加調味煮滾,落蘿蔔煮20分鐘,加埋魚蛋煮多5至8分鐘,

最後加2~3茶匙生粉水埋茨汁便成。

~乾豬皮係雜貨舖買架!
  



大家可以入嚟Facebook讚下我新開嘅Fans專頁呀!






20 則留言 :

  1. 睇見流口水, 請問豬皮要浸幾耐先軟
    ~~

    回覆刪除
    回覆
    1. 我通常浸1~2個鐘頭,等豬皮軟身就可以出水架啦!

      刪除
  2. 嘩!好味到不得了,流口水添。

    回覆刪除
    回覆
    1. 姐姐鐘意到不得了,又食又拎走咗一大盒呀!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!