2011年5月31日 星期二

薑蔥蒜花雕雞!

 
踏入六月份,

到咗2010-2011年學期尾啦!

即係我要寫學生下學期評估報告的大日子,

呢幾日我一定要的起心肝,

快快趕起我嘅報告呀;

不過我依家咩都唔做,

剩係想食飯咋!

 

2011年5月30日 星期一

椒鹽魚肉豆腐!

 
魚肉豆腐唔一定蒸o架!


我鐘意用呢個半煎炸方法整嚟食,


灑上椒鹽,


特別惹味呀!

 

2011年5月29日 星期日

2011包糭記!

 

自從跟圍村亞嬸學包老公家鄉客家糭後,

起碼連續5年我都有包糭。

雖然唔講得話D糭包得好靚,

不過食嘅人食得開心,

我都好滿意啦!

2011年5月28日 星期六

煎粟米墨魚餅!

 
前日開咗盒粟米粒,   

用咗少少整咗pizza,

今日就用佢嚟整餅啦!

不過都係有剩呀!

 

2011年5月27日 星期五

屋企例湯~冬瓜冬菇瑤柱肉粒咸蛋湯飯!

 
夏天我好少會煲老火湯,

滾幾滾嘅湯就最啱我啦!

今日滾咗個冬瓜粒湯,

加埋少半碗飯,

就成為我嘅湯飯啦!

話時話,

呢個冬瓜粒湯係我家例湯嚟o架!



 

2011年5月26日 星期四

pizza!

好可憐呀!

見個個blog友仔食咖哩都有薄餅食,

而我就冇!

唔得,

我要搓個pizza嚟止癮先得!

等我搵吓屋企有咩材料,

全部放哂落去啦!
 

2011年5月25日 星期三

五十嵐!

 

今日放工我唔返屋企住,

和同事一家三口食晚飯,

我哋去咗天水圍頌富商場裡的五十嵐,

食壽司和拉麵呀!


2011年5月24日 星期二

2011年5月23日 星期一

蠔油花雕蒸雞!

係上星期六晚上,


屋企發生咗意外呀!

老公聞到一陣燶味,


我哋搵勻成間屋都搵唔到燶味嘅源頭;


終於發現了,

原來係部老爺冷氣機發出嚟,


老公關機之際,

有3個人即刻係度歡呼,

大小魔怪和我呀!

我哋大家都話:

好嘢,


有新冷氣機用啦!


即刻同老公去買機,

大型連鎖電器店一部2匹冷氣機賣$5999,


直銷店就賣$4480,

唔使諗啦!


平咁多即買,


星期二送貨,


星期三裝機呀!


2011年5月22日 星期日

母親大人的生日晚宴!

今日我哋一行十二人,

為母親大人慶祝62歲生日,
為咗就祈祈BB,
我哋去咗火炭銀禧花園裡面嘅金伯利酒家食晚飯。
呢個餐都好鬼抵o架!
平時食$14XX,
星期六日訂房就加$300,
我哋加多半隻燒鵝,
都係$1960咋!

2011年5月21日 星期六

紅酒炆牛肋條!

昨晚唔想兩大支紅酒俾老公當水飲,


我就話用剩番嘅紅酒要留嚟煮餸,


就係咁,


今朝一早用咗支紅酒炆整呢個牛肋條啦!


煮埋少半包意粉,


撈多D汁落去,

就成為我嘅晚餐啦!


屯門三聖~嘉彩漁村酒家!

昨日我去完赤柱旅行後,

又要趕入屯門三聖,
出席老公和同事嘅晚宴,
我仲開咗罐係赤柱買嘅4mix曲奇俾大家試添。
見仲有大把時間未食得飯,
拿拿臨攞支咪唱幾首歌先;
唱唔夠幾首歌,
自己手痕又想打麻雀,
即刻叫老公起身俾我打:
Oh!Too Bad!
輸錢添!
今餐好特別,
除咗叫圍餐外,
老公同事網咗好多新鮮泥鯭魚,
又買咗龍蝦和蠔請大家食,
真係超正呀!

2011年5月20日 星期五

赤柱大半日遊!

 


昨日係幼稚園特別活動日,


我哋決定帶小朋友和家長去赤柱沙灘玩沙,

太陽伯伯一D都冇偷懶啊!
好彩風姐姐都出埋嚟咋,
起碼我哋D大人就冇咁熱啦!



小朋友玩完沙之後,
我哋就去咗赤柱大街行街街,
可惜赤柱廣場裝修,
周圍都好多灰塵。


求求其其食少少嘢,
就去咗呢度買曲奇啦!
我總共買咗4mix曲奇、8mix曲奇和鳳梨酥各一盒,
咁就盛惠$300啦!
 


天氣開始熱啦!
見到架雪糕車,
簡直好似沙漠中的水泉呀!



食完雪糕,


梗係要去美利樓和碼頭行吓啦!



到咗下午兩點半,
快快回程歸家去也!
超曬呀!

 

 
 
 
大家可以入嚟Facebook讚下我新開嘅Fans專頁呀!  
 
 

2011年5月19日 星期四

涼拌榨菜腎片!

明天,


是幼稚園特別活動日,


我哋要去赤柱沙灘呀!


噢!


太陽伯伯,


希望你唔好咁猛烈啦!


2011年5月18日 星期三

酥炸豆腐卜!

用得唔好嘥呀!

整呢個酥炸豆腐卜,

需要剪開其中一邊豆腐卜皮,

見佢又唔係唔食得,

於是煮椰菜時加埋落去;

至於D叉燒,

就係上次焗叉燒嘅剩餘物資啦!

所以煮今餐餸唔係用好多錢咋!




2011年5月17日 星期二

黑芝麻蛋糕!

呢排我真係冇咩心機整蛋糕,


剩係整咗幾款甜品咋!


有人心思思問我點解咁耐都冇蛋糕食喎???


(o麥唔係你成日話蛋糕出街買好過咩???)


見你開到口話想食,


點敢唔整呀~~米飯班主!


8分鐘~紫菜雞蛋肉碎湯!

一個又係唔使8分鐘就有得飲嘅湯,


大小魔怪每次見到都話正,


仲要飲大大碗添,


今次佢哋每人飲咗3大碗呀!



2011年5月16日 星期一

一碗叉燒飯!


大小魔怪話好耐冇食過叉燒喎,


咁即係焗叉燒嘅時候到啦!


今次又買咗$50梅頭肉,


分咗4件。


呢碟係一半份量咋!


加埋1/4隻咸蛋,


送上一碗迷你叉燒飯!



2011年5月15日 星期日

椰汁西米雜果涼粉!(已加食譜)

去街市買材料整涼粉,


點知原來樣樣都加哂價,


一舊涼粉要成$7,


真係要食多幾碗先夠皮呀!


補食母親節飯呀!

 


要約齊人食母親節飯都幾難,

正日果日個個都忙,
唯有揀昨晚啦!
同奶奶補食母親節飯呀!
出席有奶奶、大伯一家、姑奶和我哋一共12人,
就奶奶所以去咗天耀美心大酒樓。

2011年5月14日 星期六

2011年5月13日 星期五

篤唔篤呀???

話時話,

今日係Black Friday,


原本我都唔知o架!


不過經同事一提,


個心就好似有D嘢咁,


好彩今日事事順利!


好,


請大家篤豬皮魚蛋啦!




2011年5月12日 星期四

日式照燒豬軟骨拉麵!

响32度天氣下,


我就真係唔想食飯,


不過大小魔怪係飯桶,


無飯不歡呢!


見佢哋有飯食,


我就攞咗包係北海道買番嚟嘅拉麵,


整碗自己嘆吓啦喂!



2011年5月11日 星期三

咖哩薯仔雞翼!

今朝早,


大魔怪又嘔又冇精神,


老公叫極佢都唔願起身,


唯有留係屋企休息;


佢真係由朝瞓到下午4、5點先起身,


平時大魔怪可以食3-4碗飯,


今日佢剩係食咗2碗粥就嘈生哂,


好可能佢D胃口又返嚟啦!



咖哩薯仔雞翼

2011年5月10日 星期二

蒜泥白肉!

唔知肥人係咪一定怕熱o架呢???


我就特別怕啦!


夏天唔開冷氣我會好忟憎,


仲要入廚房煮飯喎,


好想死囉!


所以,


我成日都會整D冷盤嚟食,


咁就唔使咁熱啦!


超爽呢!



2011年5月9日 星期一

蠔汁冬菇瑤柱炆花膠!

上次煲膠湯時,


一次浸咗3隻大花膠,


留番一隻今次用嚟炆呀!


滑一滑!

記得之前我提過,

我蒸水蛋嘅技術認真麻麻,

D蛋蒸出嚟老過我呀!

拔,

依家我蒸蛋已經有改善,


請大家俾D意見我啦!


材料: 蛋3隻
做法: 3隻蛋加少許鹽和1倍半嘅水打勻,
(即係如蛋液有半碗嘅話,水要加多大半碗啦!)
將碟放在大鑊中一齊燒至水滾;
將蛋液倒入碟中用大火蒸2分鐘熄火焗20分鐘,
期間不要開蓋呀!淋上熟油和豉油便成。




呢兩張係之前蒸蛋嘅相呀!

 

大家可以入嚟Facebook讚下我新開嘅Fans專頁呀!  

2011年5月8日 星期日

母親節甜品~芒果布甸!


今日是母親節,


專登整咗呢個甜品,


因為我鐘意囉!


自家煮~母親節的晚餐!

 


今年的母親節,

大家都唔想同人逼,
又唔想食貴嘢,
所以決定遲一個星期六先同奶奶慶祝呀!
咁啱工人姐姐又放假,
所以簡簡單單自家煮一餐啦!


蠔汁冬菇瑤柱炆花膠


蒜蓉香草焗雞


白灼蝦


粟米魚肚羹


 
 
 
大家可以入嚟Facebook讚下我新開嘅Fans專頁呀!