我好鐘意食咕嚕肉，
尤其係南丫島食果個原隻菠蘿咕嚕肉，
簡直係人間極品；
自己整雖然冇佢整得咁靚，
不過我覺得一樣咁好食呀!
菠蘿咕嚕肉
材料:梅頭豬扒4塊、三色椒每款半個、菠蘿片1罐、雞蛋2隻、甜酸醬2湯匙
醃料:
豉油1.5湯匙、老抽少許、糖1茶匙、麻油和粟粉少許
調味:
甜酸醬3湯匙、菠蘿水2湯匙
做法:
豬扒解凍後切條；用醃料醃1小時；將2隻雞蛋攪成蛋漿，
把醃好嘅豬扒放入蛋漿內，將沾有蛋漿嘅豬扒黏上粟粉落鑊炸至金黃色，
然後放上抹手紙上吸油；臨食前必須翻炸豬扒一次，豬扒會更加脆口；
跟著用蒜蓉起鑊，炒熟三色椒後加豬扒快炒，
最後加切咗粒菠蘿和調味炒勻便成!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!