老公好鐘意食涼瓜，
所以就買咗個肥肥深綠色的涼瓜~雷公鑿；
今次唔炆排骨喇!
而係炒牛肉，
豉汁涼瓜炒牛肉，
好送飯架!
材料: 涼瓜1個、牛肉$45、蒜蓉、即食豆豉粒半湯匙、生粉水
醃料: 豉油1湯匙、蠔油半湯匙、糖1茶匙、生粉1茶匙、水和油少許
調味: 蠔油1湯匙、豉油半湯匙、老抽1茶匙、鹽少許、糖1茶匙、水半碗
做法: 牛肉切片後，落醃料醃30分鐘；涼瓜去囊後斜切片；
燒熱水落少許鹽，灼涼瓜30秒左右後撈起瀝乾水份；
燒熱油鑊落牛肉炒至轉色後盛起備用；
原鑊落涼瓜和蒜蓉豆豉爆香後贊紹酒少許，落調味煮涼瓜至軟身，
加入牛肉炒勻，最後加生粉水埋芡汁便成。
~苦瓜氣味苦、無毒、性寒，入心、肝、脾、肺經；
~具有清熱祛暑、明目解毒、利尿涼血、解勞清心、益氣壯陽之功效；
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!