噚日我已經鹵定牛腱和金錢肚，
今日就將佢哋切片，
加入我自己調味嘅麻辣汁，
整咗呢碟涼麻辣牛腱金錢肚，
天氣咁熱，
食呢個涼拌菜，
簡直正到冇朋友啦!
材料: 牛腱2條、金錢肚1磅左右、薑8片、紹酒1湯匙、瑞士汁適量
麻辣汁: 麻辣紅油2茶匙、蠔油1湯匙、豉油少許、老抽少許、
鹵牛腱嘅汁2湯匙、蒜蓉1湯匙、糖少許、滾油少許、芫茜、
蔥粒、辣椒粒、麻油
做法: 牛腱和金錢肚解凍後，放入鑊內加水、薑4片和紹酒1湯匙，
煮滾後出水10分鐘，取出牛腱和金錢肚，沖洗乾淨，金錢肚剪去肥膏；
將瑞士汁(用鹵水汁都得)、水適量、4片薑和金錢肚煮滾，
轉小火先煮1.5小時，加入牛腱鹵多1小時後，熄火唔好開蓋焗至涼後，
取出牛腱和金錢肚放入雪櫃雪隔日；食前將牛腱和金錢肚切片，
淋上自己調製嘅麻辣汁，加入芫茜、蔥粒和辣椒粒，
拌勻就食得架啦!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!