手撕包心菜

手撕包心菜，

响街食幾十蚊一碟，

係屋企自己炒，

幾蚊雞就有得食，

味道仲可以自己調較，

起碼冇街食咁油膩和有味精呀!

材料: 包心菜(椰菜半個)、蒜蓉、薑3片、辣椒乾5隻、

紹酒1茶匙、香醋1茶匙

調味: 豉油1茶匙、鹽少許、糖1茶匙

做法: 用手撕出包心菜一片片後清洗乾淨，瀝乾水份備用；辣椒乾剪段；

燒熱油鑊加入薑片、蒜蓉和辣椒乾快炒，加入包心菜快炒，

沿鑊邊贊紹酒和香醋後，炒至包心菜軟身後，落埋調味炒勻便成。

~包心菜即係椰菜，用嚟炒時會選較嫩的位置，記得粗莖就要摘去喇!

  

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page