健康湯飯~絲瓜蕃茄肉丸雞蛋湯

今日得我哋兩公婆撐枱腳，

簡單一鍋湯撈飯嚟食~絲瓜蕃茄肉丸雞蛋湯，

多菜少肉，

味道清甜，

都幾健康架!

材料: 絲瓜1條、蕃茄1個、甘筍半條、豬肉碎$10、雞蛋1隻、

薑3片、蔥粒、熱水4碗

醃料: 豉油1茶匙、鹽少許、糖少許、生粉少許、麻油少許

做法: 豬肉碎落醃料醃15分鐘；絲瓜去硬皮滾刀切件；

蕃茄切粒；甘筍去皮切片；雞蛋落少許鹽發勻備用；

燒熱鍋落少許油，先爆香薑片、蕃茄和甘筍，加入4碗熱水煮滾後，

將豬肉碎搓成肉丸放入湯內煮10分鐘，加入少許鹽調味後，

落絲瓜煮多3分鐘熄火，最後加入雞蛋液撈勻便成。

~按個人口味可加入蔥粒和胡椒粉調味。

 

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page