加強版~螞蟻上樹

今日整呢個加強版螞蟻上樹，

多加咗冬菇和蝦米落去，

食落更加惹味，

齋食粉絲都夠哂飽肚呀!

材料: 粉絲適量、豬肉碎$10、冬菇3隻、蝦米仔3湯匙、蒜蓉、

乾蔥碎、薑蓉、紹酒少許、蔥粒

醃料: 豉油半湯匙、糖1茶匙、粟粉半茶匙、麻油少許、水1湯匙

調味: 蠔油1湯匙、老抽少許、辣豆瓣醬1湯匙、辣椒油適量

做法: 豬肉碎用醃料醃30分鐘；冬菇浸軟切粒；蝦米仔浸洗備用；

粉絲浸軟備用；燒熱油鑊加蒜蓉、薑蓉、乾蔥碎、冬菇和蝦米先爆香，

落豬肉碎後快炒贊酒，加調味煮和2.5碗水煮至肉熟後，

落埋粉絲煮至汁乾上碟，最後灑蔥粒上面便成。

~個人覺得，螞蟻上樹唔需要炒到好乾身，濕濕哋反而更加好味道呀!

~粉絲方面，我鐘意係街市買散裝100%綠豆造嘅粉絲，炒起嚟好爽口架!

  

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page