2013年8月21日 星期三

招牌素肉欖菜薑粒炒飯!


 
大魔怪食咗素菜一個多月,

今日睇到佢好似瘦咗,

睇嚟我都要考慮考慮多菜少肉,

減減肥先得!

呢個招牌素肉欖菜薑粒炒飯,

咸咸香香,

係我哋近期至愛啊!


 
 
 
材料: 冷飯2~3碗、豆角、粟米粒、雞蛋、素肉3粒、

生菜絲、乾蔥蓉、薑粒、欖菜和鹽

做法: 豆角、素肉切粒備用;冷飯預先叮熱備用;

燒熱油鑊爆香薑粒、乾蔥蓉、豆角和粟米粒,

落素肉粒快炒並打雞蛋快手炒勻,

加入叮過嘅冷飯炒至粒粒分明後,

加欖菜和生菜絲炒勻落鹽調味便成。

 
 
 




大家可以入嚟Facebook讚下我新開嘅Fans專頁呀!

沒有留言 :

張貼留言

如果大家覺得我煮嘅餸菜啱哂口味嘅話,不妨留個言,鼓勵下我啦!