2013年8月18日 星期日

又係佢~咖哩豬皮蘿蔔魚蛋雞翼尖!

成個暑假都冇去探過祈祈BB啦!

所以今日我同老公會入沙田;

我哋習慣每家人各自準備晚餐食品的,

但我冇得揀煮咩,

因為又係母親大人和妹妹佢哋指定要食~
咖哩豬皮蘿蔔魚蛋雞翼尖!

嘜妳哋唔厭架咩???

煮咗一大鑊,

帶一半過嚟妳哋度,

一半留番嚟等我自己慢慢嘆啦喂!









材料: 乾豬皮$26、醬油魚蛋1磅、雞翼尖1磅、白蘿蔔1個、

蒜蓉、乾蔥蓉、薑蓉

醃料:咖哩粉1茶匙、豉油1湯匙、老抽少許、糖1茶匙、


鹽半茶匙、粟粉1茶匙、紹酒少許

調味: 蠔油2湯匙、海鮮醬1湯匙、咖哩粉1.5茶匙、


豉油和老抽各2湯匙、雞粉1.5茶匙、冰糖(指甲咁大粒2-3粒)和水4碗

做法: 雞翼尖解凍後,用醃料醃1小時;

預先浸軟豬皮後,用薑蔥出水15分鐘熄火焗15-20分鐘瀝乾水份,

小心清去豬皮上沙粒和豬毛備用;蘿蔔切大件後,

用薑和2茶匙糖和水煲15分鐘;

燒熱鑊落油爆香蒜蓉、乾蔥蓉和薑蓉,

加雞翼尖快炒數十下,落1碗半水加鑊蓋煮15分鐘後,

落蘿蔔、豬皮和調味煮20分鐘,最後落魚蛋煮多5~8分鐘左右,

如汁多可用2茶匙粟粉水埋獻便成。



 
大家可以入嚟Facebook讚下我新開嘅Fans專頁呀!
 
 

沒有留言 :

張貼留言

如果大家覺得我煮嘅餸菜啱哂口味嘅話,不妨留個言,鼓勵下我啦!