2011年8月6日 星期六

咪嘈生哂啦!

終於收到電費單啦!

今期要交$2239,(2個月)

老公開始嘈生哂,

話我哋日開夜開冷氣喎!

大佬呀!

天氣咁熱,

而且成屋都係人,

唔開冷氣好難頂姐!

簡簡單單一餸一湯,

唔知夠唔夠大小魔怪食呢???






魚香茄子



材料: 茄子2條、肉碎$10、梅香咸魚1件、蒜蓉、乾蔥蓉和蔥粒

醃料: 豉油、老抽、糖、粟粉、麻油和紹酒

調味: 豆瓣醬、蠔油、豉油、老抽、糖、粟粉和2碗水

做法: 肉碎用醃料醃半小時;梅香咸魚拆肉切粒;

茄子滾刀切大件備用;燒熱油鑊爆蒜蓉和茄子,

加入半碗水煮1-2分鐘後盛起;燒熱油鑊爆香蒜蓉、乾蔥蓉和咸魚,

落肉碎炒至半熟,加茄子和調味煮15分鐘至收汁便成。



粟米魚肚羹


材料: 粟米蓉2罐、豬肉碎$10、魚肚4條、雞蛋1隻

醃料: 豉油、糖、粟粉和水


做法: 用醃料醃豬肉碎半小時;雞蛋攪勻備用;
將魚肚出水至淋身後洗淨內裡的沙粒,切粒備用;
將2罐粟米蓉加2罐半水放入煲內煮滾,

水滾加魚肚煲15分鐘,加肉碎後滾多5分鐘,
最後熄火落蛋漿攪勻後便成,可隨個人喜好加胡椒粉!


Yeah!


又一次打斧頭成功!

 

大家可以入嚟Facebook讚下我新開嘅Fans專頁呀! 



沒有留言 :

張貼留言

如果大家覺得我煮嘅餸菜啱哂口味嘅話,不妨留個言,鼓勵下我啦!