亂棍打死牛魔皇!

牛牛係我和大小魔怪嘅至愛，

但由於奶奶唔食牛，

所以我哋都係間中先會煮牛牛嚟食；

今晚唔理咁多，

炒咗個亂棍打死牛魔皇，

滿足吓大家對牛牛嘅食慾呀!

材料: 牛柳肉、豆角、蒜蓉、鹽、紹酒、粟粉水

醃料: 豉油、老抽、糖、麻油、粟粉

調味: 蠔油、豉油、糖和大半碗水

做法: 牛柳肉切片後用醃料醃1小時；豆角切條；

燒熱一鍋水加鹽將豆角出水3分鐘後盛起備用；

落油爆香蒜蓉，加豆角快炒贊酒，加調味煮至豆角腍身盛起；

燒熱鑊落油加牛肉快炒至7成熟，加豆角炒勻埋粟粉獻後上碟。

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page