2009年5月31日 星期日

合掌瓜紅蘿蔔粟米螺頭排骨湯!

好耐無煲老火湯,
適逢星期日又得閒,
於是買下一大埋料煲湯。
今日個湯係合掌瓜紅蘿蔔粟米螺頭排骨湯。



2009年5月30日 星期六

印尼撈麵

今日,學校又有家長座談會,
本來可以早點回家煮飯,
但臨時要開會,差不多8點鐘才會家。
他們早早已經吃完晚飯(工人姐姐煮),
問問大小魔怪吃什麼?
原來有洋蔥豬扒和炒西蘭花。
而我又唔想吃飯,
於是便做一個簡單的西蘭花牛扒印尼撈麵。
首先將撈麵嘅醬汁放入碟裡。


2009年5月29日 星期五

炸多春魚!

上次俾大小魔怪投訴話個粟米蓉燴魚唔夠脆,
今日,
特別整個炸多春魚俾佢哋食。


2009年5月28日 星期四

端午節快樂!

今日係農曆五月初五端午節,
緊係要應節啦!
整番2隻超級無敵愛心糭食吓!


2009年5月27日 星期三

日本咖哩薯仔紅蘿蔔炆雞!

昨日,整咗個大魔怪超級喜歡嘅手撕雞,
為咗唔想佢再創食5碗飯呢個瘋狂記錄!
於是便整個啱哂小魔怪口味嘅日本咖哩啦!
     

2009年5月26日 星期二

手撕雞!

上星期二,
整咗個蒜香頭抽手撕雞髀肉。
雖然味道唔錯,但我始於都覺整手撕雞
一定要成隻雞先好味道。
今日係佳寶買咗2隻唐順興冰鮮雞,
一隻今日用嚟整手撕雞,
(用鹽醃2-3小時,醃半日仲入味!)
另一隻醃咗先留番聽日先煮。
 
 

2009年5月25日 星期一

冬菇蠔油炆齋根!

鐘意食肉嘅大小魔怪,
對素食一點興趣也沒有。
每年嘅年初一,我們都會全日食齋,(不吃肉)
對他們來說是極難過的一日。
(好彩有伯娘的蒸水蛋)
今日,我用炆咗個齋根給他們嚐嚐!



2009年5月23日 星期六

包糭!

呢3-4年我都有包糭的習慣,
以前我會買美心糭嚟食,
雖然好味道,但價錢越來越貴,
又要用嚟送禮,又要全家人食,計落唔化算。
老公話想食家鄉糭(即圍村糭),
於是連續2年都跟咗個圍村亞嬸學包糭,
未滿師就便膽粗粗自己包,
不過又跟唔足全部圍村糭嘅包法和材料,
又有少少自由發揮啦!(鐘意食咩就落)
嘩!今年老公很重本買咗大粒蝦米嚟造糭,
抵讚!


2009年5月22日 星期五

蒜蓉豆角炒煙鴨胸肉

大小魔怪話上次整果個煙鴨胸肉伴粟米好味道,
於是今日又嚟整過,
不過係用蒜蓉豆角炒煙鴨胸肉。 


2009年5月21日 星期四

一手一腳自己煮!

今日,工人姐姐又放假,
所以今餐飯全部自己一手一腳包辦,
連買、洗、切、醃、煮都係我,
不過洗碗就唔係我啦!(老公洗)
我頗喜歡吃枝竹,用嚟炆最好,
因為枝竹吸收哂肉汁的味道,正!


2009年5月20日 星期三

煲雞粥!

今日我好想食粥,
於是係街市買咗半邊"新鮮雞"(買雞老板話)
嚟煲雞粥。
但大小魔怪對粥冇興趣,
唯有整個XO醬芽菜肉片炒河粉比佢哋食。
原本提咗老公買油炸鬼返嚟,點知佢忘記咗,
冇得食。



2009年5月19日 星期二

黑椒洋蔥牛仔骨!

上星期日,

返香港前到羅湖交通城裡三島酒家食午餐,

平日較少食牛肉,

所以小魔怪點咗碟黑椒牛仔骨食。

嘩!超難食,

一定係特製過啦!

D肉淋到死!

又冇肉味,又多油,

而且仲細細碟添!

睇見都唔開胃。

見小魔怪食得咁唔開心,

唯有自己整一次啦!
   
 

2009年5月18日 星期一

XO醬炒粒粒!

有少少後悔昨日買得太少新鮮粟米粒回香港,
D粟米又清甜,又沒有渣,
最主要係唔使自己剝得咁辛苦(惰性又出現啦)。
昨日已經利用咗少少粟米伴鴨胸肉,
今日本來想整沙律又唔夠粟米喎!
唯有整XO醬炒粒粒啦!
有blog友話我咁有心機成日用刀切嘢!
哈哈!其實我真係幾鐘意用刀切嘢和煮o架!
之不過最唔鐘意就係洗碗和清潔廚房。
XO醬炒粒粒的材料有:
粟米、肉豆粒、豬肉粒、蝦和細元貝等,
加李錦記XO醬嚟炒。


2009年5月17日 星期日

農家菜芯!

話說大小魔怪都唔鐘意食菜,
次次都係食幾條,有時更又氹又罵都唔食,
但係食瓜就唔抗拒(苦瓜例外)。
但每逢上大陸出街吃飯時,
大小魔怪都會話食炒菜芯。
何解?
原來呢個菜芯有名堂叫農家菜芯,
長長幼幼嘅莖,但非常爽脆和清甜。
加上利用蒜蓉炒,
嘩!佢哋簡直食唔停口。
每朝早上,中國的家附近街道上,
總有很多小販推著一車車新鮮的蔬菜和水果叫賣,
通常我都會買些生果蔬菜回香港食用。
今次我買了1斤農家菜芯和2個苦瓜,
還有一大扎肉豆角和新鮮粟米粒1大袋,
全部只是14.6人民幣。
抵!抵!抵!
今日利用以上嘅材料做了幾味餸菜。
  



蒜蓉炒農家菜芯  


  
  
大家可以入嚟Facebook讚下我新開嘅Fans專頁呀!

2009年5月15日 星期五

勁似月球表面嘅豬肉蒸雞蛋!

蒸水蛋是我的弱項,
好多時我被大小魔怪彈到面懵懵!
每逢年初一,
我們都會去老公哥哥家吃全齋宴,
總有一碟蒸水蛋,大小魔怪每次都讚不絕口,
我更加唔開心啦!
今日又一次失敗了。





勁似月球表面嘅豬肉蒸雞蛋、煎釀茄子、炒菜心、又嚟黑橋牌原味香腸

  
  
大家可以入嚟Facebook讚下我新開嘅Fans專頁呀!

2009年5月14日 星期四

開飯啦!

 
今日下午嘅午飯,
 
 
簡直冇咪嘢落過肚,
 
8個人食,得3個餸,而且份量又少,
 
又冇肉食喎,唔敢食太多,好慘呀!
 
好彩我返半日工,放工後可以食tea,
 
但返全日嘅同事就慘D,要挨餓啦!
 
發完牢騷後,開始煮飯。

2009年5月13日 星期三

眉豆花生節瓜雞腳排骨湯(紅棗+瑤柱)!

 
原本以為今日又要停水,
 
點知早上睇番張通告,
 
原來1-22樓先要停水。
 
發達啦!
 
問問老公想唔想飲湯,
 
因為好似好耐冇過煲,
 
於是他點名話飲雞腳湯。
 
在街市行咗超過2個圈以上,
 
見D木瓜非常醜樣,
 
一係太熟,一係青BB,
 
在冇選擇下,
 
唯有選用節瓜啦!
 

2009年5月12日 星期二

停水的第二天!

今日是停水的第二天,
早9:00-晚6:00,
上星期五差不多6點幾先有水煮飯,
今日唔知幾點先有水。
已經叫工人姐姐儲備兩大桶水,
用來洗菜和煮飯。
Blog友們問點解無水都要煮飯
原因好簡單,
因為我老公鐘意食住家飯,
又極之反對出街食飯,
一來味精多,二來唔化算。
而且佢對食嘅要求唔高。
有一次,我煮咗4個餸,佢竟然話多。
(成6個人食飯喎!唔多o架啦!)
今日準備的餸菜有:


沙嗲金菇肥牛粉絲煲


 腐乳炒通菜  
  


台灣買嘅黑橋牌原味香腸

嘩!個黑橋牌香腸超正,下次試吓辣味先!
  
  
大家可以入嚟Facebook讚下我新開嘅Fans專頁呀!

2009年5月11日 星期一

偷懶的一餐!

 
今日老公有飲宴,
 
所以晚餐可以偷懶,

唔使煮咁多餸!
行完街市1個圈,
 
見到菜檔竟然2扎通菜買$5,
 

3扎通菜買$6。

嘩!咁抵,
 
但又唔想食大多(老人家話會抽筋),



於是就買咗2扎通菜和鮮魷魚。
  

2009年5月8日 星期五

停水!

 


今日開始8/5、12/5和13/5(三天之多),

的大廈要暫停食水

由上午9:00-下午6:00,目的是更換大廈的公共水管

至於屋內的水管,則由業主自行決定是否更換,

老公第一個反對,大拿拿成萬銀換水喉喎,

佢話依家金融風暴,冇理由咁貴

仲第日搵人問吓價先換。

冇水的日子,唔知煮定唔煮好,

最後決定煮啦!

非常簡!
 

   

2009年5月6日 星期三

炒麵!

 


大小魔怪自小喜歡食粉麵多過食飯

最瘋狂
是曾經一餐吃3大湯碗的粉或麵。



今日我選擇一些簡單的材料來炒麵:



(其實係想
清哂雪櫃裡的食物!)



泰式扎肉
魚片火腿魚蛋卷



椰菜
紅蘿蔔等。



本來想加埋肉絲,點知炒完以上餸後,發覺太多了


   

2009年5月5日 星期二

好熱呀!



我好怕熱!好怕出汗的感覺!(人肥冇計)
近日豬流感殺到,所以學校沒有開冷氣
開窗風扇
對我來說是折磨

連午餐都食少咗。(咪當減肥囉!)



天氣熱,較多時會滾瓜湯補充水份



我的口味極似父親大人,他喜歡撈湯食飯



我也不例外。



今日
,準備咗簡單的餸菜:






2009年5月4日 星期一

食得清淡!

 


經過歐洲台灣之旅後,
我的體重增加不少,
以前是個小肥肥,依家變成大肥肥啦!
今日,終於開始要控制自己的食量
但又要整D美食比大小魔怪,有點頭痛。
多菜少肉的原則下,終於有頭緒啦!
     

2009年5月3日 星期日

2/5~淡水

 
行程匆匆的來到淡水。
那裡的遊人非常多,而且大部份都是中國遊客。

2/5~度小月

 
買完手信後,差不多2時,我們便到度小月吃午餐。
門口的煮食爐已經吸引我的視線。

2/5~九份

 
早上在酒店吃過早餐。
清清淡淡的一餐,感覺很舒服。

1/5~士林夜市(2)

 
暴食之旅開始啦!
首先,我們到西門町吃鴨肉扁。

1/5~士林夜市(1)

 
1/5吃過早餐後,我們又要到另一間幼稚園參觀。
幼稚園附近有間美術博物館,順道參觀。

30/4~日月潭(2)

 
同事在網上找到一間出租旅遊車的公司,
定了一架21人座位的旅遊車,帶我們到處遊覽,
目的地是~日月潭。

我們還乘座遊艇在 日月潭裡觀光。

吃吃茶葉蛋。

還買了一大堆手信呢!

晚餐到台中裡大排檔吃風味小菜。(忘記了正確的位置)





 
     超好味。
跟著我們便到誠品買書和逛逛地牢的特價店,全部買$39台幣,
$10港幣都唔使,非常便宜!
   特別介紹

  春水堂~珍珠奶茶(可惜當日珍珠買完了,冇得飲)

         (Mister Donut)









 
 

  
 
  
大家可以入嚟Facebook讚下我新開嘅Fans專頁呀!