2009年5月23日 星期六

包糭!

呢3-4年我都有包糭的習慣,
以前我會買美心糭嚟食,
雖然好味道,但價錢越來越貴,
又要用嚟送禮,又要全家人食,計落唔化算。
老公話想食家鄉糭(即圍村糭),
於是連續2年都跟咗個圍村亞嬸學包糭,
未滿師就便膽粗粗自己包,
不過又跟唔足全部圍村糭嘅包法和材料,
又有少少自由發揮啦!(鐘意食咩就落)
嘩!今年老公很重本買咗大粒蝦米嚟造糭,
抵讚!











包糭材料:

五花腩、咸蛋、蝦米、乾蔥頭、

糯米、開邊綠豆、糭葉和水草等。

調味:

五花腩用咗1包五香粉,加入少許頭抽和油,

入雪櫃醃一晚。

跟著落油爆香乾蔥頭、五花腩和蝦米,

略略煮熟後,待涼備用。

開始包糭啦!

(包糭前,糯米、開邊綠豆需要用撈撈油和鹽)


(以上份量全部double上)

包好啦!

全部有51隻。

比往年包少一半!

舊年包咗百幾隻,
都幾辛苦o架!
今年就輕鬆好多。
 
今年包嘅糭個樣靚過舊年。
烚熟後,
老公同大小魔怪都急不及待地每人食咗1隻,
大讚!
哈哈!又一次有飄飄然的感覺呀!
  
  
大家可以入嚟Facebook讚下我新開嘅Fans專頁呀!

沒有留言 :

張貼留言

如果大家覺得我煮嘅餸菜啱哂口味嘅話,不妨留個言,鼓勵下我啦!