2009年5月20日 星期三

煲雞粥!

今日我好想食粥,
於是係街市買咗半邊"新鮮雞"(買雞老板話)
嚟煲雞粥。
但大小魔怪對粥冇興趣,
唯有整個XO醬芽菜肉片炒河粉比佢哋食。
原本提咗老公買油炸鬼返嚟,點知佢忘記咗,
冇得食。




雞粥
首先將雞洗淨,用紙抹乾,
然後加豉油、麻油、胡椒粉、
粟粉加薑絲醃雞2小時;
加4粒瑤柱並用大火煲粥1小時15分鐘後(唔使掩蓋),
再加雞煲多30分鐘,便成美味嘅雞粥。
隻雞又真係唔同冰鮮雞喎!
有雞味和夠嫩滑,
連唔鐘意食粥嘅大小魔怪都食咗1大碗。



XO醬芽菜肉片炒河粉
學足蘇絲黃教嘅做法,將D河粉逐條撕開,
先炒熟芽菜和豬肉後,

再炒河粉加入老抽和豉油調味,
最後加入所有材料和XO醬炒埋2大碟。
大魔怪仲話D河粉炒得太少,唔夠食喎!

   
  
大家可以入嚟Facebook讚下我新開嘅Fans專頁呀!


沒有留言 :

張貼留言

如果大家覺得我煮嘅餸菜啱哂口味嘅話,不妨留個言,鼓勵下我啦!