得兩個人食飯，
我真係懶得去煮呀!
買個雙餸飯$43，
燒味雙拼$34，
好味又方便，
真係啱哂我呢個懶人呀!
噚日，
我哋入咗沙田姐姐家，
齊齊預早慶祝姨甥生日，
今日姐姐叫咗泰式到會，
和自製三文魚和火腿拚盆呀!
我病咗咁耐，
終於變回一線花旦啦!
今次病打亂哂我呢幾日嘅日程呀!
原本星期一要去整頭髮，
推遲到今日先嚟整，
坐咗4個半鐘頭，
髮色變咗，
人都精神咗呀!
小魔怪至愛食薯仔，
今餐就專登炒咗3個薯仔俾佢食呀!
薯絲切到手軟，
下次要改用刨先得。
今晚蒸咗碟梅菜豬肉和灼菜芯做晚餐，
老公話簡簡單單咪好囉!
佢鐘意食呀!
噚日襯自己精神少少，
拿拿臨煲啖湯俾家人飲，
今次煲呢包羊肚菌雜菌湯，
加埋唐排、紅蘿蔔和粟米落去一齊煲，
煲咗一個半鐘，
我飲咗啖熱湯，
成個人都舒服哂呀!
呢個湯包係美團優選買的。
星期五我開始流鼻水，
當日已經即刻check咗冇事；
但係星期六，
食完早餐後就發覺自己開始暈陀陀，
拿拿臨即刻再check多次，
中中中又中；
初初微燒，
中午後就開始燒得有D高，
足足燒咗一日一夜，
兼有少少喉嚨痛；
星期日晚已經冇燒，
我開始食蓮花清瘟，
出咗一身冷汗後，
成個人開始有番精神，
但退燒後就開始咳呀!
噚日襯中秋節補假，
我和老公返咗惠州屋企，
中午返到屋苑樓下茶餐廳食午飯，
食飽飽就會合姑奶和朋友，
一齊返屋企喇!
噚日我哋成個黃氏家族，
齊齊去咗妹妹家做節，
晚餐超級豐富，
擺滿兩張枱呀!
明天中秋節，
我哋一家會去妹妹家同母親大人和姐姐佢哋一齊過節，
之後我就和老公返惠州住幾日，
所以今日晚餐，
我要將雪櫃裡嘅食物，
盡量處理哂佢呀!
麵豉蒸排骨、午餐肉炒蛋和蠔油生菜菜芯。
