茄汁沙甸魚燴長通粉!

今日係我新年假期嘅第一日，

一個字~忙!

買過年糖果、整蘿蔔糕材料、買定部份團年餸菜等，

都落咗2次街，

但都仲未買完，

睇怕聽日又要繼續努力抬抬抬擺擺擺呀!

由於要滕來滕去，

早早準備呢個簡易午餐呀!

盅頭飯~魷魚肉餅飯!

放假啦!

返埋今日我就放新年假啦！

唔長唔短夾夾埋埋(星期六、日)都有11日架!

放假有咩做???

哎呀，

我好多嘢都未做呀!

今日屋企少咗2個人食飯，

簡簡單單又一餐呀!

啫啫雞!

我嘅傷風感冒咳已經踏入14日啦!

好彩係依家好番八八九九啦!

老公都有投訴我次次病親都要成半個月先好番，

要我好好檢討下喎!

今次整呢個啫啫雞，

我食得最多唔係雞和豬膶，

而係洋蔥和蔥呀!

我的寶貝~炸腰果!

唔經唔覺，

嚟緊星期日就係年初一，

我又要開始準備過年嘅野啦!

首先就係佢我的寶貝~炸腰果!

我已經將佢哋收埋咗係一個好密實嘅地方啦!
大魔怪一見到D腰果，

即刻話: 媽咪，

D腰果好易淋，

要快D食哂佢先得架!

材料: 腰果一斤、鹽(適量)

做法: 燒熱水加1茶匙鹽，將腰果出水1-2分鐘後瀝乾水份，

用廚紙抹乾；開細火倒入半鑊油，襯凍油放入腰果，

油滾後要用鑊鏟不停翻轉腰果，直至腰果炸至淺金黃色，

最後轉大火炸多10-15秒，即撈起腰果待涼後加少許鹽入樽。

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page

 

頭啖湯~鱷魚止咳湯!

我D咳仲未清，

所以呢排好少煲湯水飲呀!

今日見得閒，

煲咗呢個北京同仁堂嘅湯包~鱷魚止咳湯!

買咗舊有筋豬展骨，

加埋1個紅蘿蔔和3條粟米一齊煲，

唔好講咁多，

飲碗頭啖湯先得!

螞蟻上樹!

今日嘅家長日尚算順行啊!

可惜不停咁講4個鐘頭，

我D咳咳又番哂嚟啦!

攪到見見下家長都咳唔停，

真係好失禮呀!

返到屋企攰到隻死豬咁，

一瞓就瞓咗3個幾鐘，

求求其其雪櫃有咩就煮咩，

咁都俾我煮咗4餸出嚟呀!

蒜蓉豆豉炆魚肉豆腐卜!

話咁快幼稚園上學期已經完結啦!

明日係家長日~派小朋友評估報告的大日子!

慶幸今日好順利整理好所有評估報告，

所以可以早早放工去扮靚靚，

將D白頭髮收埋哂佢呀!

同大家玩玩個冇獎遊戲，

染髮加焗油包洗剪恤估幾錢???(天水圍區)

朱家小炒!

出嚟做事有時真係好鬼激氣。

小人做衰嘢某人永遠都睇唔到，

大家出心出力做咩，

又永遠得唔到讚賞!

小人講一句，

好過我哋講十句。

唉，

有時真係做到好鬼心淡架!

講完D唔開心嘢，

冇哂心情添，

簡簡單單炒碟朱家小炒!

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page

元朗~正記菜館!

 

今日，

我哋學校全體同工一齊食團年飯!

簡簡單單去食大排檔，

唔坐室外坐室內呀!

雪菜火鴨絲炒冰豆腐!

今日肥媽上身，

呢碟餸全部都係雪櫃物資嚟架!

嘻嘻~今日打嘅斧頭錢，

我好滿意呀！