茄汁沙甸魚燴長通粉!

今日係我新年假期嘅第一日，

一個字~忙!

買過年糖果、整蘿蔔糕材料、買定部份團年餸菜等，

都落咗2次街，

但都仲未買完，

睇怕聽日又要繼續努力抬抬抬擺擺擺呀!

由於要滕來滕去，

早早準備呢個簡易午餐呀!

材料: 長通粉一包500g、香甜蕃茄醬1罐、茄汁沙甸魚3條

做法: 長通粉依照包裝說明出水備用；

沙甸魚去骨和清理內臟後撕碎，燒熱易潔鑊加少許橄欖油，

落長通粉、沙甸魚碎、香甜茄醬和2湯匙水炒勻，

最上碟後灑少許parsley碎便成。

今日啱啱收到第一份賀年禮物，

我一打開已經唔見咗幾兜曲奇，

大小魔怪係咪你哋做架???

唔係，

我要退貨呀!


  

  

大家可以入嚟Facebook讚下我新開嘅Fans專頁呀!   雀后(添飯)Facebook Fan Page