絲瓜豆腐魚尾湯

今日天氣實在太熱啦!

我一早落街晨運已經熱到標哂汗，

捱到中午終於都頂唔順~開冷氣!

夜晚熱到真係唔想食飯，

我滾咗絲瓜豆腐魚尾湯，

飲咗2碗湯，

食咗半碗飯，

已經冇胃口呀!

材料: 鯇魚尾$30、絲瓜2條、有機豆腐1盒、蔥粒、薑4片

調味: 鹽和胡椒粉

做法: 鯇魚尾洗淨後，用廚紙索乾水份，落調味醃30分鐘；

絲瓜去硬皮後切件；倒出豆腐切件；燒熱適量熱水備用；

燒熱油鑊落薑煎香後，落魚尾煎香兩面(煎香少少)，

加入熱滾水(大火)滾15分鐘，落豆腐和絲瓜滾多5分鐘，

按個人口味落鹽和胡椒粉調味，最後灑上蔥粒便成。

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page