2018年11月24日 星期六

豉油汁浸雞翼&雞腳


今次用整沙薑雞腳嘅原理,

煮咗個豉油汁嚟浸雞翼和雞腳,

今次浸咗10個鐘D雞翼雞腳皮都仲好爽,

肉質仲好滑添,

越浸得耐雞翼雞腳越入味,

顏色仲會深色少少架!





材料: 雞翼12隻、雞腳12隻、薑6片、紹酒1湯匙

調味: 老抽5湯匙、豉油2湯匙、冰糖粒2湯匙、鹽半茶匙、2.5碗

做法: 凍水落鍋加入雞翼、雞腳、薑3片和紹酒1湯匙,

將雞翼雞腳出水5分鐘,撈起雞翼雞腳沖沖水後,雞腳去甲備用;

將2.5碗水和調味煮滾,放入雞翼和雞腳煮至翻滾後,

轉最小火慢慢浸30分鐘(全程不需要加鍋蓋),

熄火後繼續浸雞翼雞腳起碼8小時至入味,進食前再開小火煮熱便成。

~食剩哂嘅豉油汁唔好倒,可以留番第日浸豉油雞髀呀!

~我煮呢個豉油汁味道偏甜架,所以記得落調味時,

按個人口味調較咸甜度呀!


  

大家可以入嚟Facebook讚下我新開嘅Fans專頁呀!






5 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!