花生鳳爪

我好鐘意食打冷舖嘅花生鳳爪，

出街食貴得嚟份量又少，

都係自己整成本慳好多呀!

材料: 炸鳳爪15隻、花生$8、薑6片、紹酒1湯匙、八角半粒

調味: 蠔油1.5湯匙、豉油1湯匙、老抽大半湯匙、豆瓣醬1湯匙、

鹽半茶匙、糖1.5茶匙、胡椒粉適量、2碗水(連煲花生水)

做法: 花生浸30分鐘後隔去水份，將3碗水和花生放入鍋內煮滾後，

轉小火慢慢炆煮45分鐘，熄火唔好開蓋焗至花生2小時，煲花生水留用；

燒熱水落薑3片、紹酒和鳳爪出水5分鐘後，沖洗乾淨；

熱鍋落油先爆香薑片，落鳳爪、花生、八角和調味煮滾後，

轉最小火慢慢炆煮45分鐘便成。

~炆炸鳳爪千祈唔好用大火，唔係D鳳爪好易炆爛哂架!

~花生先炆45分鐘，再加鳳爪炆多45分鐘，咁D花生就會好腍架喇!

~炆過花生嘅水係精華嚟架，所以千祈唔好倒咗佢。

  

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page