呢個素蓮藕煎餅真係好易做，
雖然材料簡單，
但煎出嚟個賣相都唔差，
而且又有脆口、爽口嘅口感，
認真唔錯架!
不過油就可能要落多少少嚟煎喇!
材料: 蓮藕1節、甘筍半條、蔥粒、麵粉3湯匙
調味: 鹽1茶匙、胡椒粉適量、黑胡椒碎適量
做法: 蓮藕和甘筍去皮刨絲，略略揸乾蓮藕甘筍汁；
加入調味、蔥粒和麵粉攪勻後，將蓮藕絲分成幾份(我分咗3份)，
落多少少油，逐份放入煎pan內，用匙羹將蓮藕絲舖平，慢慢煎成餅，
沿pan邊再加少少油，煎至蓮藕餅邊邊有少少脆身，
反轉煎另一面至熟便成。
~由於蓮藕和甘筍刨絲後，會出大量蓮藕和甘筍汁，
過多水份嘅話個蓮藕餅會好散開，所以要略略揸乾一半水份呀!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!