呢兩日開始感冒，
周身骨痛外，
頭痛喉沙兼仲有D咳添，
食咗藥就日瞓夜瞓，
越瞓越攰呀!
材料: 唐排$45、洋蔥1個、蒜蓉、生粉水、黑胡椒碎適量
醃料: 豉油1湯匙、鹽半茶匙、糖1茶匙、麻油少許、紹酒少許、生粉1茶匙
調味: 蠔油1湯匙、豉油半湯匙、老抽1茶匙、糖1茶匙、鹽少許、水1碗
做法: 唐排洗淨後落醃料醃1小時；洋蔥去皮切絲；
燒熱鑊落油，加入排骨略煎幾面至有少少焦香後，落蒜蓉和洋蔥炒香，
加入調味和黑胡椒碎，炆煮洋蔥排骨15分鐘(水滾後轉小火慢慢炆)，
加埋生粉水埋芡汁便成。
~我鐘意食淋洋蔥，所以加埋落去排骨度一齊炆，咁鐘意食生洋蔥嘅朋友，
就唔好落洋蔥住，等差不多炆好先落洋蔥，炆幾分鐘就食得啦!
~今次我買咗唐排嚟炆，雖然唐排骨多過肉，但肉淋和有甜味，
一字排骨比較多肉，但肉哋"鞋"身D呀!
大家可以入嚟Facebook讚下我新開嘅Fans專頁呀!
飲多D水啊!保重.
回覆刪除多謝關心，不過今日仍然失聲呀! >.<
刪除