2日1夜~清遠英德遊

噚日，

老公和我參加領華辦嘅清遠英德兩日遊，

團費平平哋$299(純玩團)。

我哋揀深圳灣上車，

早上9點鐘集合呀!

第一次坐高身車，

仲要係坐車頭位，

日日係咁爬上又爬落，

爬多幾次都幾攰架!

 坐車坐到pat pat痛，

終於去到食飯點喇!

餐餐有雞、有魚、有肉、有豆腐、有支竹、有菜、有湯、有飯，

好唔好食就好難講，

但勝在有餐食呀!

第一個風景點~清遠飛來湖濕地公園，

下午有太陽天氣都幾熱，

落車行咗個圈，

成身濕哂囉!

之後到清遠湞陽坊火車懷舊小鎮，

專程坐個幾鐘頭嚟睇架火車頭，

影完相，

又食晚餐囉!

食完晚餐，

過對面睇下有冇手信買呀!

返到酒店hea下hea下都唔想郁，

第二朝7點食早餐8點要出車，

都係早睡早起好過啦!

今朝早餐都幾簡單，

但D粉麵勁多油，

食完層油係哂個盆裡，

好嚇人架!

呢度係英德小趙州橋，

睇條幾百年嘅古石拱橋，

團友食豆腐花，

我哋就食煎蘿蔔餅!

最後景點係~洞天仙境，

先坐船仔睇岩洞，

然後上山行條玻璃棧道，

行上山都幾高架，

但我哋團裡七八十歲嘅老團友個個都好叻，

慢慢行都行到上去呀!

行到出番嚟都成中午1點囉!

又到食飯時候啦!

食飽飽D團友又去掃貨囉!

我哋呢個團係純玩團，

全程真係冇購物點，

而且每個團友仲送一個背囊添呀!

但女人點可以唔買嘢架!

每到一個景點，

團友們都唔會放過任何土產店，

我哋買得唔算多，

但都係2個背囊去，

4個背囊返之嘛!

平日食咸雞就食得多，

今次導遊介紹必食清遠咸香鵝，

90人民幣半隻(加5蚊人仔幫我哋斬埋件)，

今晚食咗少半盒，

味道都唔錯喎!

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page