五香淮鹽煎雞翼

噚日，

香港經歷咗一個超級颶風~"山竹"，

攪到我哋真係有得震、冇得瞓呀!

外面大風又大雨，

隔住個窗都感受到"山竹"嘅風力，

而且細仔房仲俾D風吹開咗個窗添，

好彩發現得早，

唔係吹走咗個窗就大件事喇!

攪到大家成日都好似做緊作戰狀態咁，

超級緊張!

緊張就要食雞翼補補身先得!

今朝落街買餸，

睇到整個屋苑嘅樹有部份已經塌下，

屋苑商場當風位嘅大門吹走咗，

變成隨意門呀!

老公公司附近情況

材料: 雞翼9隻

醃料: 五香淮鹽大半茶匙

做法: 雞翼解凍後，用廚紙抹乾水份，加醃料醃1小時；

燒熱易潔鑊加1茶匙油燒熱，先放雞翼(皮向下)加鑊蓋煎2分鐘，

將雞翼反轉加鑊蓋煎2分鐘，再打側雞翼少少煎雞翼兩側，

重做以上動作，慢慢煎多5分鐘至雞翼兩面金黃色便成。

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page