糯米蒸排骨

噚日執廚房，

見到有少包糯米係度，

又係時候要消滅佢啦!

今次用佢嚟整我至愛嘅糯米蒸排骨，

咁就飯都可以唔使煮啦!

(希望可以啦!)

材料: 一字排骨$50、糯米1杯、蔥粒適量、蒜蓉、薑片

醃料: 豉油1湯匙、老抽1湯匙、蠔油1湯匙、鹽少許、糖1茶匙、

生粉1茶匙、麻油少許、生油少許、紹酒少許

醃糯米: 鹽半茶匙、生油少許

做法: 一字排骨洗淨後，落醃料、蒜蓉和薑片醃排骨8小時；

糯米洗淨後，浸水8小時後，倒去水份加鹽和生油撈勻備用；

從雪櫃取出排骨放室溫1小時，將排骨逐一沾上糯米後放入碟內，

把剩餘嘅糯米舖在排骨面，放入熱水鑊內蒸1小時，最後灑上蔥粒舖面便成。

~記得要加足水先好蒸糯米排骨呀!

~剩咗醃排骨汁料唔好倒，我加埋落去蒸排骨，等D糯米更入味呀!

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page