2013年5月6日 星期一

咖哩雜菜粒炒肉碎!


 
依家做家庭主婦梗係樣樣都要慳啦!

我平時會去街市菜檔買定一份份嘅蔬菜和配料,

等煮餸時隨時都有得用,

但有時用剩一兩個又點算好???

簡簡單單炒埋一碟,

咁咪又一碟餸囉!



 

 
 
材料: 2個細薯仔、1條甘筍、1條粟米、半碗豬肉碎

調味: 咖哩醬1湯匙、鹽少許、大半碗水

做法: 肉碎用簡單醃料醃一陣(豉油、糖、粟粉、麻油和水);

薯仔和甘筍去皮切粒;粟米拆粒備用;

燒熱油鑊落薯仔和甘筍粒,半煎煮至薯仔變半透明;

加入豬肉碎快炒,盡量將肉碎推散至碎粒狀;

炒至肉碎8成熟後落粟米炒勻後,加埋調味煮至汁乾便成。
 

大家可以入嚟Facebook讚下我新開嘅Fans專頁呀!

沒有留言 :

張貼留言

如果大家覺得我煮嘅餸菜啱哂口味嘅話,不妨留個言,鼓勵下我啦!