青木瓜眉豆花生雞腳煲西施骨

老公前兩日返咗元朗舊屋，

鄰居摘咗2個木瓜請佢食，

今日我就用咗其中一個木瓜嚟煲湯，

青木瓜眉豆花生雞腳煲西施骨，

好甜好好飲呀!

材料: 青木瓜1個、雞腳10隻、紅蘿蔔1個、西施骨$50、眉豆花生$5、

紅棗12粒(去核)、瑤柱粒1湯匙

做法: 西施骨和雞腳出水後，清洗乾淨，雞腳去甲備用；

青木瓜去皮去囊切件；紅蘿蔔去皮切件；眉豆花生浸15分鐘；

燒熱12碗水，加入所有材料(木瓜除外)，先煲1小時，

再加入木瓜煲多30分鐘，最後按個人口味落鹽調味便成。

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page